Avant-hier, à chein qu'jai ouï,
Y'avait une vendue à St.Ou,
L'affaithe allait hardi chi
L's'acateurs 'taient v'nus de d'partout.
Casses à patates, fagots d'bouais,
Nous acatait sans r'garder;
L'monde mettaient quatre à la fais.
L'Encanteur n'avait qu'd'en suer!
Mais bétot y'eut une bataille
Ils 'taient tous à s'quétill'yi
Pour un cônué - vielle féthaielle
Comme Hunt en a tant siez li!
I' fut vendu, l'craithait-n-on?
Pus chi qu'i n'couôti tout neu:
L'amin Ph'lip, n'en r'venait pon
Et voudrait l'r'aver ach'teu!
Il a idèe, je comprends,
D'en acater par le mille
De bein rouis, qui n'ont pas d'dents,
Pour ervendre ichin en ville!
Viyiz étout: