Les Pages Jèrriaises

 

Oh! Qué ches bieaux Esprits-là r'lisent!

"How bright these glorious spirits shine! "


Oh! Qué ches bieaux Esprits-là r'lisent!
Dé où'est, don, tch'i' sont v'nus,
Vêtus d'robes blianches comme dé la né,
Assis auve les êlus ?

Il' ont surmonté lus souffrances
Pour entrer dans les Cieux,
Et ont lavé lus belles blianches robes
Dans l'Sang d'nouotr-e Saûveux.

A ch't heu i' sont bein ordgilleurs
D'êt' près du Trône au Ciel,
A sèrvi l'Bouân Dgieu niet' et jeu
Auve les Anges, les fidèles.

I' n'ont pus d'peines, ni faim ni sé,
Ni ténèbres, ni malheu,
L'Bouân Dgieu est lus solé r'lîsant
Dé méjeu à méjeu.

L'Angné tchi d'meuthe ilà sus l'Trône.
Seurvil'ye sus ieux étout,
I' les nouôrrit du Pain dé Vie
Et dgide lus pas partout.

Dans les bouannes vèrtes et belles pâtuthes,
Lé Seigneur s'en va m'ner
Touos Ses troupieaux, et n'y'étha pus
Dé lèrmes à éssuyer.

Au Péthe et Fis et Saint Esprit -
La Saint-e Trinnité,
Glouaithe sait, comme ch'est, et comme il 'tait,
Pour toute étérnité.

Âmen.
 

George F Le Feuvre

 

 

Viyiz étout:

 

 

Les Pages Jèrriaises